उमरखेड विभागीय प्रादेशिक दैनिक पत्रकार संघाची नवी कार्यकारिणी जाहीर; अध्यक्षपदी सविता चंद्रे (पाटील),सचिवपदी ज्ञानेश्वर ठाकरे
लोकवेध न्यूज नेटवर्क
उमरखेड :-
उमरखेड विभागीय प्रादेशिक दैनिक पत्रकार संघची नवी कार्यकारिणी नुकतीच सर्वानुमते गठीत करण्यात आली आहे. या कार्यकारिणीत अध्यक्षपदी सविता चंद्रे (पाटील), सचिवपदी ज्ञानेश्वर ठाकरे तर कार्याध्यक्षपदी विजय आडे यांची निवड करण्यात आली.
मावळत्या वर्षाचे औचित्य साधून दि. ३१ डिसेंबर रोजी उमरखेड येथे संघाची निवड बैठक पार पडली. या बैठकीत संघाच्या नव्या कार्यकारिणीची अधिकृत घोषणा करण्यात आली. पत्रकारांच्या विविध प्रश्नांवर संघटितपणे आवाज उठवणे, पत्रकारांचे हित जपणे तसेच संघटन अधिक मजबूत व सक्रिय करणे हा नव्या कार्यकारिणीचा मुख्य उद्देश असल्याचे यावेळी स्पष्ट करण्यात आले.
नव्या कार्यकारिणीमध्ये अध्यक्ष म्हणून सविता चंद्रे (पाटील) तर सचिव म्हणून ज्ञानेश्वर ठाकरे, कार्याध्यक्ष पदी विजय आडे यांची निवड करण्यात आली असून दैनिक लोकमतचे उमरखेड प्रतिनिधी दत्तात्रय देशमुख, दैनिक पुण्यनगरीचे तालुका प्रतिनिधी अशोक गांजेगांवकर दैनिक बाळकडूचे तालुका प्रतिनिधी अवधुत खडककर यांची संघाच्या सदस्यपदी निवड करण्यात आली आहे.नव्या कार्यकारिणीमुळे उमरखेड विभागातील पत्रकार संघटन अधिक सक्षम, संघटित व प्रभावी होईल, असा विश्वास उपस्थित पत्रकारांनी व्यक्त केला.