उद्या महागाव शहर व परिसरात पाच तास वीजपुरवठा बंद ३३ केव्ही उपकेंद्रावरील देखभाल कामामुळे सकाळी १० ते दुपारी ०३ पर्यंत खंडित वीज

⚫लोकवेध न्यूज नेटवर्क
महागाव :-

महागाव येथील ३३ केव्ही उपकेंद्रातून १३२ केव्ही लाईनवरून येणारा वीजपुरवठा उद्या (दिनांक ३१) सकाळी १० ते दुपारी ०३ वाजेपर्यंत खंडित राहणार आहे.उपकेंद्रावर आवश्यक देखभाल व दुरुस्तीचे काम हाती घेण्यात येत असल्याने हा वीजपुरवठा तात्पुरता बंद ठेवण्यात येणार असल्याची माहिती महावितरणकडून देण्यात आली आहे.
या कालावधीत महागाव शहरासह संबंधित परिसरातील नागरिक,व्यापारी व औद्योगिक ग्राहकांनी आवश्यक ती पूर्वतयारी करून महावितरणला सहकार्य करावे,असे आवाहन महावितरणचे सहाय्यक अभियंता यांनी आदेशानुसार केले आहे.काम पूर्ण होताच वीजपुरवठा सुरळीत करण्यात येईल, असेही कळविण्यात आले आहे.