राष्ट्रीय सणालाच हरताळ ! २६ जानेवारीला उमरखेड बीएसएनएल कार्यालयात ध्वजारोहन नाही पोलिसांत तक्रार, कारवाईची मागणी
लोकवेध न्यूज नेटवर्क
उमरखेड :
देशाचा अभिमान असलेल्या २६ जानेवारी प्रजासत्ताक दिनी उमरखेड येथील भारत संचार निगम लिमिटेड बी एसएनएल कार्यालयात ध्वजारोहन न झाल्याचा गंभीर प्रकार उघडकीस आला आहे. या प्रकरणी शिवसेना (उबाठा) शहर प्रमुख तथा माजी नगरपरिषद सदस्य संदीप गणपतराव ठाकरे यांनी पोलीस स्टेशन, उमरखेड येथे लेखी तक्रार दाखल केली आहे.
शासकीय व निमशासकीय कार्यालयांना प्रजासत्ताक दिनी ध्वजारोहन करणे बंधनकारक असताना,दिनांक २६ मार्च जानेवारी २०२६ रोजी बीएसएनएल उमरखेड कार्यालयात राष्ट्रध्वज फडकविण्यात आला नाही.हा प्रकार म्हणजे राष्ट्रीय सणाबाबतची गंभीर बेपर्वाई असल्याचा आरोप तक्रारीत करण्यात आला आहे.
या घटनेची सखोल चौकशी करून संबंधित अधिकारी व कर्मचाऱ्यांवर तात्काळ कायदेशीर कारवाई करावी,अशी ठाम मागणी माजी नगरपरिषद सदस्य संदीप ठाकरे यांनी पोलीस प्रशासनाकडे केली आहे.या,घटनेमुळे शहरात संतापाची भावना असून,राष्ट्रीय सणांचा अवमान खपवून घेतला जाणार नाही,असा स्पष्ट इशाराही शिवसेनेतर्फे देण्यात आला आहे.