वाकोडीत ईद-ए-मिलनचा स्नेहसोहळा; सर्वधर्मीय ऐक्याचा सुंदर संदेश”
लोकवेध न्यूज नेटवर्क / २८ मार्च
महागाव :-
महागाव तालुक्यातील वाकोडी गावात वसिफ खान हफिज खान पठाण यांच्या घरी ईद-ए-मिलन कार्यक्रम उत्साहात पार पडला. छत्रपती शिवाजी महाराजांनी अठरापगड जाती आणि बाराबलुतेदारांना एकत्रित करून स्वराज्य उभे केले,त्या प्रेरणेने धार्मिक सलोखा जपण्याचा संदेश या कार्यक्रमातून देण्यात आला.
या कार्यक्रमास वाकोडी ग्रामपंचायतीचे सरपंच,ग्रामसेवक,तलाठी,ग्रामपंचायत सदस्य तसेच वाकोडी व मोरथ येथील मराठी व उर्दू शाळांचे शिक्षकवृंद उपस्थित होते.विविध स्तरातील मान्यवरांच्या उपस्थितीमुळे कार्यक्रमाला विशेष उत्साह लाभला.
कार्यक्रम यशस्वी करण्यासाठी फरमान शेख, आदम खान,बिलाल खान,गोरख खंडागळे,महेंद्र अंडागळे आणि मारोती राऊत यांनी विशेष परिश्रम घेतले.
सर्वधर्मीय ऐक्य,बंधुता आणि सामाजिक सलोखा वाढविणारा हा उपक्रम परिसरात कौतुकाचा विषय ठरत असून,समाजात एकात्मतेचा सकारात्मक संदेश देणारा ठरला आहे.